Ziangkim Na Hlan Nan,Nupi Ih Lo Nei Duh Lotu Mipa Na Heek Thei Thlang Ding




Leitlun thiamnak a san vivo bangin ram hruaitu pawl khal in daan thar phunphun an tuah bet vivo ih a tha le tha lo cu a um ve. Kan ram myanmar khalah Nunau pawl hrang daan thar thazet tuah a si ih Mipa pakhat in nupi ah ka lo nei ding ti tahrat in nupa vek in nan um tlangih a lo neisal duh lo a sile, thuthennak innpi ah na heek thei thlang ding.

Fala le tlangval ngaizawng aw cu nupa vek in an um zo ih mipa in nupi ah a nei duh lo a sile ,Nunau sawn in daan vek in a heek thei ih kum 5 sung thawngthlak theih a si. Kum 5 sung ti a sinan, an thu umdan ih zir in mipa cu kum 5 aiih tam khal Thawngthlak thei a si.

Culawng siloin mipa pakhat cun nunau pakhat cu a nupi vek in a hmangih nau a raih hnu ah a nei duhsal lo a sile ,kum 7 Thawngthlak theih a si. Asinan,Nunau pawl hi Evi ih cithlah an si bangin thuphan rel an hman tuk ruangah an tongmi pohpoh thlunsak theh an si lo dingih daan vek ih ziangkim fehpi ding a sisawn.

Himi ah Nunau in heeknak zianghman a tuah lo a si ahcun buainak zianghman a um lo ding. Heeknak a tuah a si khalle heek theinak thazet a neih a tul ve a si.