Taklawng Ih Zan Ihthah A Thatnak Phun 10




Minung kan ni hmandan hmun 3 ih hmunkhat cu ihthah caan in kan hmangih, ihthah khop lo mi pakhat cu a taksa parah siatnak tampi a thleng thei. Ihthah khop zet cing khal in taklawng ih ihthah a hlawknak pawl cu mithiam pawl in phun 10 rori in an hmusuak.

1.Taklawng ih zan ihthah a thatnak pakhat cu kan thuanhnaw a heu lo. Zan kan ih tikah kan theih lo sungin kan taal ciamco theu ih thuamhnaw in a rak tuar thei zet tlunah zan ihnak ih kan hmanmi thuamhnaw pawl hi thuanhnaw dang aiin a tet duh ngaingai. Curaungah taklawng ih na it theu asile na thuanhnaw tampi na humhim tinak a si.

2.Taklawng ih zan ihthah a thatnak pakhat leh cu zalen zetin na itthat thei dingih tipi kap ih nuamtawl vek rori in na thei aw ding. Na ihthah a thaw cuang dingih na taksa a mawi sinsin ding.

3.Taklawng ih kan itthah tikah thlithiang ka hip thei ih kan vun khal in thlithiangte a rak hip thei ve. Thlansuahnak kua fate khamtu a nei nawn lo ih ka harhdam phah sinsin.

4.Thinhar zet cingih na itthat a si khalle taklawng ih na ihthah a si ahcun thisen thaten a herkual thei ih ihhmuh thawten na itthat thei phah ding.

5.Taklawng ih kan itthat tikah taksa thannak ding hrang khamtu zianghman a um nawn lo ih na taksa cu a dan khelte bangin thazet in a pitling ding.

6.Serhhrang a thazet ih kan serh kiang ih thlanhri pawl a hul peppi tlunah tha zetin thaw an suah thei ve.

7.Taksawng ih ihthah hi mai taksa diriamnak le mai taksa lungkimawknak a thlen ih kan taksa mawizia le duhnunzia kan theih phah.

8.Nunau in a pasal hmaiah taklawng thawn a um asile a pasal cu “thup mi zianghman ka nei lo, Na hmuh vek rori ka si ” timi a langter ih mipa thinlung ruahnak tampi a thatter phah tlunah innsang lungawinak a thlen.

9.Nupa lawng caan hmangtlang tikah nupa taklawng ih um cu ningzak ding a si lo ih pakhat le pakhat kan it’awknak a si bangin duhdawtnak hngetter sinsintu a si. Bible khal in ‘ Cuti a si ruangah mipa in a nu le a pa a taanta ih a nupi thawn an kom-aw. Cutiin tisa khatah an cang. An pahnih in lawngfangkheh in an um nain ningzah an thiam lo.” a ti. ( Gen.2:24-25).

10. Ziangtiklai caan khalih kan hup ringring kan serh khal zan ahcun huptu nei lo ih thawhsuah an duh ve a si. ( Family Health Care )