Nunau Dan Neih Lai Ih Tuah Lo Dingmi Thil Thupi 10




Nunau dan na neih lai ih tuah lo dingmi thil 10 hi na thatpi zum zet a si ih hlanah na rak tuah theu a si khalle ,tui hnu lam ahcun tuah nawn lo tum hram awla ,na hrang a thazet ding.

1.Nunau dan na neih hnuhnu cun thinheng a ol zetih lolam zet khal ih mahte thinheng theih a si. Curuangh ,Nunau dan na neih vete’n nangmah lawngih caan hman na duh thu na sungte pawl na simthei hngal aw. Nuamnaite lamlen a sual lo ih cabu siar tivek khal thiltha zet an si.

2.Nunau dan na neih lai ah a almi thil na ei hrimhrim lo dingih dawr ih an zuarmi ALu kioro tivek khal ei a tha lo. Cu aicun theirah lole thlairah ei sawn ding a si.

3.Nunau dan na neih lai ah thidam tamzet na ralring cia dingih nazi pathum dan lole pali dan tal ah thleng ringring ding a si. Cuti lo ih nikhat thidam pakhat vial tivek tla na hmang a sile,a rim a se dingih nat tha lo a kai phah duhzet.

4.Nunau dan na neih lai ah cawhnawi thawn tuahmi thil hrimhrim na ei lo ding. ziangahtile cawhnawi thawn tuahmi thil ah Arachadonic Acids a tel ih pum a nat duhzet tlunah na taina a luar sinsin ding.

5.Nunau dan na neih ruangah lengsuak lo ding,inn ih um ringring tinak a si lo, lamzen phahphah a rak tul ve. Zianghman tuah lo ih ihkhun par lawnglawg ah na um a sile natnak a lo pe sinsin ding.

6.Nunau dan na neih lai ah a varmi thuamhnaw hrimhrim na hruh lo a tha,ziangahtile a thisen a lang duhzet ih mualpho a olte.

7.Nunau dan na neih lai ah thidam tello in na it dah lo pei,a cem zik thlang na ti caan khalah a rak suaksal thei ih zan ah na mualpho pang ding.

8.Nunau dan na neih lai ah khawitawk ih na hmul khal na phawi / na dirsuak hrimhrim lo ding. Ziangahtile natnak dang mi a pe thei.

9.Nunau dan na neih lai ah riahsiatnak zuknung hrimhrim na zoh lo ding. Ziangahtile Nunau cu caan malte sungih thleng danglam aw thei nan si ruangah thisen suak lai ih na riahsia a sile ,tampi na tuar phah ding.

10.Nunau dan na neih cun ziangkim ah midang vek na si lo ti thei awla ,buainak na tonlonak dingah nangmah kha thinsau ten ni hman tum ringring aw.