Na Pa Hi Ziangtin Ka Tuah Ding Ti ih A Pasal Thusuttu Mosual

0
334

Leitlun dan pakhat a si bangin Nupi tha lo ,Mo tha lo tamzet an um ih pasal tha lo khal tampi an um ve. Pasal tha lo tiih kan theihmi pawl cu a tlangpi thu in zu in le Nupi velh hmang tlunah mize pawl an si. Nupi tha lo le Mosual tiih kan theihmi pawl cu Pasal sungte rem lo ,Pasal Nu le Pa rem lo le pasal mawhsiat ringring pawl hi an si.

Leitlun ah pasal Nu le Pa rem lo Mo tampi an um bangin Pasal Nu le Pa ruangih then aw Nupa khal tampi an um . Culawng siloin Nupi tih ruangih mai Nu le pa rori tlansan , hlonhlo men fapa khal tampi an rak um ve. Kan theih dingmi cu leitlun ah nupi pasal a thleng thei ringring nan, Nulepa le sungte cu a thleng theih an si lo.

Combodia ram khalah Kimsean timi mipa pakhat kum 30 mi a um ih sungte pawl duhsak mi nupi neitu a si . An neih awk pek ahcun zianghman buainak an nei lo nan ,a pasal pa a upat vivo tikah Monu cun a raang a ngaina nawn lo ih an inn ih um ding khal in a duh nawn lo . Cutikah a pasal hnenah ‘ Na Pa hi ziangtin ka tuah ding , kan inn ah a um thei nawn lo ding, dawisuak aw’ tiin a pasal a simthei .

Cutikah a pasal cu a ningna zetih a nupi tlansan in a pa sawn cu a innpi in a suahpi ih sizung ah a pai’ nunnak cem tiang a tuamhlawm. Apai’ thih hnu khalah Nunau sual a nupi cu a pan duh nawn lo ih amah te’n nun hram a thok sawn a si.[ China Post ]