Mithiam Pawl Ih Hmuhsuah Mi Voksa Thuthup 7

0
382

Voksa hi zokhal in a hrisel lo ti kan thei cio nan, kan duhzet mi a si thotho ih caan pawimawh lole rawl eikhawm kan neih ding tinten voksa thawn kan hmang tlanpi theu. Kanmah chinmi vial in thaw ka ti, a si lo ih ram dang khal in thaw an ti ve zet. Asinan ka ei dan lawngte a bang aw lo zetih kannih chinmi cu laisuan kan ti bangin a haang thawn rori suan a si tikah ram dangmi pawl ih ei dan aiin natnak a keng tam cuang ti a si.

Ziang a si khalle Israel pawl khal voksa an ei lonak san cu nat tha lo a kentel tamtuk ruangah a si ding tiin mithiam pawl in an pawlsuak vivo. Mithiam pawl in Voksa an zir suahnak ih an hmuhsuah mi pawl cu a hnuailam bangtuk a si.

1.Vok ih sunghril le pumpi pawl hi hnawmpung pakhat vekih baal le tihnung, ten um a si ih natsia phunphun thlen theitu a si . Ziangruangah tile vok ih ei mi rawl pawl hi thil ttawt le uih , lung telmi rawl thing pawl an nei theu tikah an sung khalah bawrhhlawh zet a si thotho.

2.Voksa ih thausia pawl in thildang kan ei mi rawl tha pawl ih thatnak pawl a zuk kaang theh ih rawl dang hnak in thatlonak 13 rori a kengtel.

3.Sa dang kan ei mi cu pum sung ih rem tha aw dingin nazi 8 a tul ih thisen in a thatnak pawl a rak la khawm. Asinan voksa cu nazi 4 vial rei ih a feh rangtuk ruangah thisen sungah nat tha lo tamzet a kenglut pah.

4.Vok ih danglamnak cu ramsa dang tamsawn bangih thlanhri a neih ve ruangah a taksa sungah tursia nat-hrik a tamzet phah. Rul ei theu vok an um bangin rul tul pawl khal an taksa sungah a tur a nei vivo.

5.Voksa ih danglamnak pakhat dang khal sa dang aiin lung an um ol sawn ih an ttawt [siatral ] hmaisa sawn ringring.

6.Vok sungah khukrul phun 3 an um ih tii an nei cio. An tii pawl hi tisa le siti thawn reizet suan lo ahcun an thi lohli ve lo.

7.Voksa hi sa dang aiih let 2 in thausia a nei tam ih thisen sang , thin natnak ,zun thlum le zeng natnak pawl tampi a suahter thei a si.

Hipawl hi mithiam pawl ih hmuhsuah mi a si ih ei nawn lo ding ti rori a si lo nan,kan ei a si khalle luarkai tukih kan ei nawn lo a thasawn ding a si.