Leitlun Bawhlung Sit Thiam Lakih Mankhung Hleice Top 20

0
115

Bawhlung leitlun ah player pakhat le pakhat cu club dang ihsin an lei sak aw theu ih man tamzet zet ih leimi khal an um. Player pakhat le pakhat an leiawkdan ah a lek that asile cuhmuah in aman a thang ding tivek a tamzet ih an lei lai ah ngantel ringring a si . Asinan tui’tum ih kan tarlang dingmi ahcun lek that le sit goal ruangih pekbet ding sumpai a tel lo ih an lei awk zat man rori vial tarlang a si .

Euro [€] , Pound [£] le dolar [$] pawl hi a bang aw lo theh tikhal kan theih a tha ih tui’tum hrang pound £ hman a si bangin Wikipedia in dikzet ih a hminsin bangin tarlang a si .

1.Neymar £198m – PSG in Barcelona ih sian lo cingin an leimi a si ih lei theizat man an retmi a si ruangah club in an kham thei lo .

2.Mbappe £120m – Kum note si cingin Monaco hrang a lek thazet ih club tamzet in an beisei lai ah PSG in hauizet in an lei .

3.Coutinho £106m – Liverpool hrang a lek thazet ruangah Barcelona in an heel nerno rero ih a tawp ah an lei fel thei .

4.Dembele £97m – Dortmund hrang a lek thazet ruangah Barcelona in Neymar aiawhtu dingah an lei .

5.Pogba £89m – Juventus hrangih a lek thazet ruangah a club hlun Man United cun an duh ciamco sal ih laitlan ih mankhung bik si dingin an lei.

6.C.Ronaldo £88.5m – Real Madrid thuneitu pawl thawn a hlawh man dingih an rem awk thei lo ruangah Juventus in an lei .

7.Bale £86m – Tottenham hrang a lek thazet in Real Madrid in reizet an heel rero hnu ah an lei fel thei .

8.Higuain £75.3m Real Madrid suahsan in Nopali ah a lutih a lek thatzet ruangah Juvenuts in an lei .

9.Lukaku £75m – Kum note siin Chelsea in an lei nan Everton ah an zuarsal ih a lek thatzet ruangah Man United in an lei .

10.Van Dijk £75m – Southampton hrang a leh  thatzet ruangah dungkham ih buai ringring Liverpool cun an lei .

11.Suarez £75m – Liverpool hrang mikeu phahphah in a lek thazet ih Barcelona cun hrem si cingin an lei .

12.Kepa – Leitlun kawlkil mankhung a si ih Chelsea in £71.6m thawn spain club Athletic Bilbao ihsin an lei .

13.James Rodriguez £63m – Manoco hrang a leh tharzet ruangah Real Madrid in an lei ih Bayern ah loan in an lekter .

14.Mahrez £60m – Leicester City premier league champion thei a si ih Man City in reizet an heel hnu ah an leifel thei .

15.Di Maria £59m – Real Madrid hrang a lek thazet nan Bale an lei ruangah an zuar ih Man united in an lei .

16.Morata £58m – Real Madrid hrang lek tha ciamco a si lo nan , hmaitlan tulzet Chelsea in an lei .

17.Laporte £57m – Kum note si cingin Athletico Bilbao hrang a lek thazet ih Man City in an lei .

18.Aubameyang £56.1m – Dortmund a lek thazet nan suah a duh tiotio ruangah Arsenal in an lei .

19.Alisson £56m – Roma le Brazil hrang kawl thazet in a kil ih kawlkil tha tulzet Liverpool in an lei .

20.Cavani £55m – Napoli hrang a leh thazet ruangah sum ngah PSG in an hmaitlan dingah an lei .

Himi hi club pakhat in club dang ihsin player a leimi man zat pawl an si ih an hlawh le an sum lut lam a si lo. Messi cu Barcelona ihsin lei suak theitu an um hrih lo ruangah a lang ve lo a si.