A Fanu Thahsak A Sinan, Pathian Thatzia Relfiangtu




Kum 20 mite Mollie Tibbetts cu taksa harhdamnak ah tiin park hmun nuam ah a tlankual rero . Cuti a tlankual reronak ah misual a tong fuh ih namte thawn dawh thah a si hnu ah a ruak hlonhlo men a si . Misual in Tibbetts a thahnak san hi ziangdang ciamco ruangah a si lo ih a taksa mawinak it ruangah sualpi a tum ,Tibbetts in a duh lo cu a that lawlaw a rak si.

Tibbetts cu a tikcu ah inn lam pan in kir ti a neih lo ruangah a Nu le Pa mangbang cun palik hnenah an sim thei . Palik pawl cun reizet Tibbetts ruak an hawl hnu karkhatnak ah an hmu ih namte hrimma tuar in a thih ti hmuhsuah a si .

Tibbetts dawt thattu ih zummi tlangval Rivera khal kaih a si hngal ih thuthennak innpi ah a thuhla relsak ding a si.

Tibbetts ruak an vuinak ah a Pa cun ,” Ka fanu hi ka hrang ahcun Hero rori a si . Misual kut ah a thi nan ,Pathian ah thusuhnak ka nei cuang lo ,Pathian in ka parih thilthleng hi a hmu theh ih a thei theh . Curuangah Pathian hnenah thusuhnak tuah ciamco hlah uh , Cu aiin biaktlak Pathian a si ruangah be sawn uhla a thil tuahmi pawl ruangah thangthat sawn uh ,” tiin mipi hmaiah thurelnak a nei .

Hi thilthleng hi a rei zo nan, leitlun zumtu tampi in Tibbets ih pa bangih zumnak hnget kan neih theinak dingah Christian Post ih a tarlang salmi a si.