A Faate Pawl Ih Hlon Tuar Pitar Pakhat

0
211

Pitar pakhat Daw Wai 84 timi cu faate neinung zetzet le mifim thiam zetzet neitu a sinan a faate pawl ih hlonhlo a tuar. Kum 80 mi pitar pakhat cu pasal in a thisan zo ih amah te rawl suang thei a si nawn lo ruangah a faate inn ahcun a um theu. Asinn a faate pawl in an hnenih umter an duh nawn lo ih Mawtaw thawn an phurhsuak hnu ah Myawady zinpi kap ah an tanta men.

Zinpi kap ih an Nu bik an thum hnu cun a faate pawl cu mawtaw thawn an tlanhlo thluh. Daw Wai khal kum 84 lai tizo a si tlunah damlonak nei hnuaihni a si ih amah te’n duhtawk in a cangvai thei nawn lo.

Zin kap ih an taan men cu ninghang riahsia in a tap rero ih kiangkap mipi pawl in a pan cece. Mawtaw thawn tuamhlawmnak buk ah phurh a si ih a thuhhla an suh tikah Daw Wai khal in thaten a simthei. A umnak khua le a faate pawl cu a simthei hai ih, zangfahtu pawl khal in Daw Wai ih fale pawl cu an phone sak. Phone an kai cio ih an Nu an rak hruai ding thu khal an rel cio ,Asinan Pitar ra hruaitu an um dah cuang lo.

Ziangvek dinhmun na thlen khalah a lo ringtu na Nu zahpi hlah la, tlansan men hlah aw. Zovek Nu khal in faate tlin lo khop ih beisei an nei lo ih kan tlintawk ih kan zoh thiam kha an lungawinak sawn a si. Thlawhsuah don, lam tluan le hlawhtlin na duh asile na Nu le na Pa thulung awla, tihzah in zoh tha ringring aw.