ZUARTHUP DING RUL 206 KAI LALA

0
107

February ni 9 niah Muse khawpi le Mandalay khawpi karlak ih cirhhlum Check Gate ah Muse khawpi lam pan mi Van Mawtaw pakhat sungah Rul phunkim tel mi 206 cu kaihngah a si thu le an kaih mi hi MMK ting 50 man hrawng a si thu ramsung lam zung cun thannak an nei.

Cozah duh lo mi thilri pawl lut le suak thei lo dingin Cirhhlum le Mayanchaung hmun pawl ah department kim Check Gate cu 2017 kum March ni 1 ihsin tuah a si ih 2018 February ni 10 ah Mandalay Muse lamzin pi tluan ah suaklam mawtaw 998 le lutlam mawtaw 1051,yangon-Myawady zinpi tluanah suaklam mawtaw 50 le lutlam mawtaw 151 cu an lut in an suak ti a si.

Cui lamzin pi ihsin lut le suak mi mawtaw pawl ih phurh mi cu Check thluh a si ih Mayanchaung Check Gate cun february ni 10 tiangah cozah sian lo mi an kaih mi cu tamtak a kim man thu theih a si.