ZUAR DING MILAI 200 RUNSUAK

0
120

Mexico ram ni suahnak saklam Hihway lamzinpi pakhat ah Truck pakhat sungah zuar ding mi milai 200 hrawng cu kai in an runsuak tiah Mexico Defence Minister cun a sim.American ram ih Taxas State ih luhpi ding mi Thlangta America ram milai 200 hrawng cu tuvek in Check Gate pakhat ih an kaih mi an si.Hi Truck mawtaw pahnih ih phurh mi milai 200 hrawngah cun nauhak khal an tel ti a si.Hizat milai tawlreltu ih zum mi mi 3 khal kaihcih an si.

Tuih an kaih mi pawl hi Guatimala,Hondurus le Alsavado ram mi pawl an si.”Truck cu Muka ih tuampit a si ih thaw luhnak ong fate lawng a um.In kaih ih Muka an on ciah in eng kan hmu.Kan hrangah cun nunnak timi hi leikua sungih hmangvek kan si.Ngaingai ticun tuihnu hivek cun khawihman ka feh nawn lo ding”tiah mi pakhat cun a sim.

Mawtaw ih phurh mi Guatimala ram mi pakhat khal cun,”Veihnih khat cu thli hip ding rori khal kan nei lo.Mawtaw a feh ahcun thli hip ding kan nei.An hrangah ka thlaphan pizet”tiah a sim ve.Tuah an kaih mi pawl cu harhdamnak cek ding in Sizung ah an um.Thlangta America ih nunhar le hmuhsuam tong pawl cu American feh dingin Mexico ram ah a thawngtel in kumtin an rak thleng ti a si.