ZUALKO : US IH UM CHIN NAUHAK KUM 8 MI ACCIDENT IH THI




US ram, Gorgia ih um, kum 8 ih upa Tluang Tha Men cu a nu in tlawng a thlahnak lamah motor in pah ih, Tluang Tha Men nunnak liam, a nu khal nasa tak ih hriam a tuar thu tarlang.

Hi thilthleng thawn pehpar in US ihum Pu Biak Cung cun a hnuailam vekin Zophei thurelkhawmnak ah a ngan.

Zophei Family Network of America, Atlanta Georgia Local in thihdar kan tum. Tuzing Feb 16,2018 ah Hriphi khawmi Pu Tial Peng ih nupi le fanu kum 8 cu a fa nu tlawng a thlah dingin Bus Stop an pan laiah Motor in a pah, kum 8 nauhak nute cu nasa takih hriam a tuar ruangah mual in liam san. A nu hi sizungah fehpi a si ih thuhla theih a si hrih lo. Sibawi pawl cun a that mei ding thu an sim tiah Local ZFA chiarman Salai Lian cun sim.