Zopawl In Premier League Top 4 An Lut Ding?




English Premier league zuamawknak khal theh lam an pan rero thlangih puai 4 le puai 5 hrawng lawng lek ding an nei thlang.

Tui dinhmun Premier league top 6 ,
Liverpool puai 34 ah hmat 85,
Man City puai 33 ah hmat 83,
Tottenham puai 33 ah hmat 67,
Chelseas puai 34 ah hmat 66 ,
Man United puai 33 ah hmat 64,
Arsenal puai 32 ah hmat 63 pawl an si.

An lakah Liverpool le Man City hrang top 4 buai ding a um lo ih champion cuh aw rero lai an si.An team 2 ah zo a champion ding timi thlirnak khal neih a si zo ih an puai tanglai mipawl zoh in Liverpool an champion zumsawn a si hrih.

Top 4 hrang Tottenham ,Chelsea ,Man United le Arsenal pawl in beisei an nei theh ih puai cem tiang an zuam aw ding.

Tottenham puai tanglai pawl ,
Man City vs Tottenham
Tottenham vs Brighton
Tottenham vs West Ham
Bournemouth vs Tottenham
Tottenham vs Everton pawl an si.
Tottenham hi kum 3 peh rori in champions league an lek thei ve thlangih Premier league ah top 4 luh an harsa nawn lo.Champions league ah rinsan ciamco mi an si hrih lo nan,Premier league ahcun an hnget tuk thlangih team tenau neh lo tivek ah an buai ve lo.An puai tanglai thlir khalah an harsa ciamco hmel lo ih top 4 an luh rori zum a si.

Arsenal puai tanglai pawl ,
Watford vs Arsenal
Arsenal vs Crystal Palace
Wolves vs Arsenal
Leicester vs Arsenal
Arsenal vs Brighton
Burnley vs Arsenal
Arsenal hi puai 32 lawng an lek lai ih midang hnak in puai 1 le puai 2 ih lek mal an si.Midang lek zat an lek ih nehnak an co thluh thei asile Chelsea le Man United tlunih um ding an si.An puai tanglai mi pawl zoh tikah a hautak lo thawn top 4 an luh rori zum ve an si.

Chelsea puai tanglai pawl ,
Chelsea vs Burnley
Man United vs Chelsea
Chelsea vs Watford
Leicester vs Chelsea
Chelsea in Liverpool an neh lo nan,an puai tanglai mi ah Man United lawng big team do ding an nei.An hnuai ih umpawl in an lehzat an lek tikah an tlaniam thei ih top 6 to thei an sinan, an puai tanglai pawl zoh tikah top 5 ih an khar thei zum a si.

Man United puai tanglai pawl ,
Everton vs Man United ,
Man United vs Man City
Man United vs Chelsea
Huddersfield vs Man United ,
Man United vs Cardiff
Nasa zetin Man United an thangso nan, an puai tanglai pawl zoh tikah puai 1 tal cu sung thei dinhmun ah an um.Puai 1 sun cu an hrang a pawi tuk dingih an duh zetmi top 6 tonak a si thei.Curuangah top 4 an luh thei zum a si lo ih top 6 hrawngin season an khar ko ding.

Liverpool le Man City dungthlun in Tottenham le Arsenal in top 4 an luh thei zum a si ih Chelsea le Man United in top 5 an cuh aw ciamco ko ding.

An puai tanglaimi pawl zoh phah in an team dinhmun thlir phah thawn tarlang mi a si ih thilthleng thei zetih ruahmi a si.A dik rori ding ,hivek rori in a si ding tinak a si cuang lo ih thlirnak pakhat sawn a si.