Ziangah Barca Suahsan In Real Madrid A Pan Timi Relfiangtu Figo




A vanglai rori ah Barcelona suahsan ih Real Madrid rak pantu Portugal mihlun Figo cun Barcelona suahsan ih Real Madrid a pannak san a relfiang.

Portugal rolung pakhat Figo hi a vanglai ahcun Bawhlung sit thiam mak tara ih lar a rak si ve ih Ballon dO’r khal a rak dong ve zo.Barcelona ihsin lar ciamco a si ih a lar vanglai ah Barcelona suahsan in Real madrid ah a rak lut.Real Madrid ih a lut cu Barcelona mipi pawl in an huat phah zetih phansantu titiang in a hmin an phuah ta.

Ziangruangah Barca suahsan in Real madrid ah a rak lut timi cu Figo in a rak rel dah lo nan,tuitum ah a relfiang.

Figo cun ,”Thlengdanglam awknak kan tuah ding rengreng ah kan hrang ziangkim a thabik dingih lairel kan si.Portugal suahsan ih Spain ka pannak san khal ram dangih zuamawknak tep ve dingin a rak si.

“Barcelona suahsan ih Real Madrid ka pannak san cu leitlun mipi ih theih sinsinnak ding,Bawhlung ih ka thansoh sinsinak ding,sumpai le laksawng pawl ruangah a si.

“Real Madrid suahsan ih Inter Milan ka fehnak san cu nuam zetih bawhlung lek dingin a si,” a ti.

Figo in a lar vanglai ah Barcelona suahsan in Real Madrid a rak pan ih a cuai thok rero tiah Inter Milan a rak pan a si.