ZANGFAHZA FALA CANGSUAL(Video)

0
123

Kum 22 mi Genella Carabbacan timi Philipines fala pakhat cu khuavang hminsin hloh duh ah Face Mask timi hmaikawr a bun.Hmanseh thil pakhat a hngilhpang.Mithmul le sam daiter lo ding timi ca ngan kha hngilh in cui hmaikawr cu a hmaipum in a ben.

A bun mi hmaikawr cu hawksal tum nakhaw a ngah lo ih a buai nasa.Hi hmaikawr cu a rual nu in hmai ih dum tete pawl rehnak a si tiah laksawng a pek mi a si.Genella cun a hmandan ca kha siarta loin a hmaiah a ben lok men.A hmai ih Minute 15 a ret hnuah hawksal a tum ih hmaikawr cun a mithmul le a sam cu a rak erh theh.Hmaikawr hawk thei lo ih buai cun neta ahcun tap in a unau pa a sawm ih a tapa cun hnihsan men in Video a rak zuk.

Minute pa 3 sung a hawk hnuah a mithmul tamsawn cu a pok ih a mawi lotuk ruangah a dang khal an ciahkolh sak lawlaw.A tapa ih zuk mi Video khal Online parah a thleng ih ceimawinak lam hnatuan pawl cun tuahsak dingin an sawm ciamco ti si.Hnih maw suak zang maw fak lehlam.Ziang thil khal kan hman hlan ah a hmandan siarta lo ih hman a poidan cu hi fala cun a fiang ngah rualri rori.

SM