YING LUCK KAI DING THAI IN CHINA BOMNAK DIL

0
126

Thailand PM hlun hmelmawi duhum Ying Luck cu Thailand ram ihsin a tlansuak ih tuah england ram ah a relh ih cumi kaingah thei dingin Thailand Cozah cun China hnenah bomnak an dil ding thu Thu neitu pakhat cun a sim.

Lothlo pawl sumpai cawih thu le sumpai eiruk puhnak thu ih tlantu Ying Luck sinawatra cu a upa Thai PM hlun Thaksin Sinawatra thawn tunai ah China ram ih hmunkhat te an zuk tlang mi Social Media lam ih a lar ciamco ihsin kaihngah theinak dingah China hnen ih bomnak dil an tum mi a si.

Ying Luck ih China ram ih riahnak hmun cu zingzoi in China thu neitu pawl bomnak dil ih cuti kaihthei an tum mi a si.Cuileng ah Thaksin Sinawatra ih fanu cun a pa in China ih kumthar zuk lemte 2 thawn a zuk mi a post ih Thai mipi pawl duhsaknak a hlan thu le a ngaizet thu khal a tarlang mi cu mipi lam in an lawmzet.

Thailand PM tuanlai cun thuthang latu pawl hnenah dan pahbal ih dan lenglam ih umtu Ying Luck thuhla zianghman theih a duh lo thu le amah kaitu dingah Police an um ih a hnangam zet thu khal a sim.