YANGON TAXI TAMPI KAIH AN SI

0
98

Kan thanawk rero zo bangtuk in Yangon khawpi ih Taxi pawl cu lenglam ihsin hmuh thei lo dingin an mawtaw thlalang plastic dum thawn an ben mi cu hawk theh dingin thu neitu pawl a hlankhan in an rak simcia.Tuah cun cui an thancia mi thlun duh lotu Taxi pawlcu kaih an thok ih february ni 1 ihsin ni 12 tiang an kaihngah zo mi cu Taxi 98 a kimzo tiah theih a si.

Tui an kaih mi pawl cu 2015 ih tuah mi mawtaw dan pukma 65 vekin paisa 30,000 kuanter an si ding ih kah Giah Nah lam in Lincence an lonsak ding ti a si.Yangon ramthen Cozah cun yangon khaw sungih tlan Taxi pohpoh cu an mawtaw thlalang ah plastic dum ben lo ding,Kalaka zar lo ding,Cawgia tar lo ding in thuhla thannak an neizo ih cumi thlun duh lo pawl cu tuih an kaih mi pawl an si.Cui dan thlun duh lotu pawl cu tuah Licence lonsak dingin PK lam cun tan an la nasa.

Taxi pawl cun an mawtaw thlalang cu lenglam hmuh thei lo dingin plastic dum an ben ih a sungah sualnak phunkim tuahnak ah an hmang.Hrekkhat Taxi mawngtu pawl cun Thu neitu thu ngai in an fialvek in an tuah nan hrekkhat cun ziang siar loin an umsan ruangah kaih taktak an sinnak a si tiah thuthang cun an tarlang.
Popular