World Champion Si Ka Tum – Salai Tial Thang




MMA leitlun ih avei khatnak si dingin Chinpa Salai Tial Thang khal nehnak a rak co ve zo ih leitlun huap champion taikhap lak a tum lawlaw thu a rel.

Tial Thang hi March ni 8 zan ih an tuahmi One Championship Reign Of Vlor ,Yagon ah Cambodia mi Rin Saroth a rak neh ih mipi hlawm a hlawhzet.A puai khatnak ah duhthusam a si hrih lo nan,tampi thangso thei lai a si ih a virvat a thazet.Kut le ke a hman thiam tlunah mibuan khal a nehsawh zetih hmuar zet dingih mithong le sit dan a zir tul deuh lai in a lang.Rel zo bangin mibuan khal a thiam zet nan,buantluk hnu ih reekbeh dan a thiam hrih lo zetin a zir nasat cu a tul lai.

Asinan,MMA dinhmun ih a puai khatnak a si bangin a lek thazet ti a theih ih vei 8 misual zo Cambodia mi Rin Saroth a neh thei hrimhrim cu lom tlakzet a si.

Salai Tial Thang cun “Ka tumtahmi cu leitlun huap champion si ding a si ih tui hnu 5 sungah champion rori dingin ka zuam.Ka lehnak rih lam cu Bantamweight a si ih One championship thawn puai 4 hrang remawknak kan tuah.A cangthei asile ,ram dang siloin Myanmar rori ah mithong ka duh a si,” a ti.

Salai Tial Thang cu One Championship thawn puai 4 hrang remnak neitu a si bangin MMA leitlun ah a hmel kan hmu vivo lai ding a si.