WEST BANK AH ISREAL PAKHAT THAH A SI

0
112

Isreal ram west Bank Juda pawl umnak hmunah February ni 5 ni ah Palestine mi pakhat nam thawn buainak a tuah ruangah Isreal mi pakhat a thi.Himi hi Judah pawl umnak Ariel Khawpi ih cang mi si in nam ih dawhlai hmutu ralkap pakhat cun mawtaw thawn dawi in a va kap tiah theih a si.Hmansehla buainak tuahtu pa cu a tlanhlo man ih tuah an hawl rero lai.

Ariel khawpi uktu(Major)cun,”Hi mithattu an zate hrangah lehrulnak cu hihi a si ding.Petertava,Raranana le a dang Isreal khawpi pawl ah mi thattu pawl umnak hmun cu lonsak vivo in Isreal cun thu neihnak a lak vivo ding a si.Cucu lehrulnak a si”tiah a sim.Isreal PM Benjamin Netanyahu cun,”Runsuahnak hotu thawn kan be aw.Hi Ariel khawpi lamzin sawm ih thahawknak ah hriamhma tuartu cu a thih thu in sim.A thitu ih tanta mi innsang hnenah ka tuarpinak khal ka simzo.Isreal ralkap le police pawl cun misual cu an hawl rero lai a si”tiah a sim.

1967 ramsung ralpi hnuah Isreal cun Ni suahnak Jerusalem cu an laksak ih Palestine pawl cun Ni suahnak Jerusalem cu anmai khawpi ih tuah an tum ringring.Isreal khal cun Jerusalem khawpi pakhat cu a dangdang te ih then a theih lo mi khawpi a si tiah an tang ringring.