VANTHATNAK TIMI CU A UM RORI




Vanthatnak kan timi hi a mak nasa.Van a thatlai taktak ahcun sumpai khal zum lo lo in a lut ih thihnak khal in mi a tlansan ti si.India pa pakhat cu UAE ram Dubhai khawpi ah hnatuan in a um.Khada cu India thlanglam Karella ih Thiruvananthapuram khawpi ih um si in nikhat cu khual a tlawng.

A sungkua pawl umnak Thiruvananthapuram khawpi ih tlawnnak ihsin Dubhai lam ih hnatuansal dingin Emirate vanzam EK521 a zuangsal ih vanzam tumnak an thlen zawngah an Vanzam cu a siat ih a kang.Hi Vanzam par ih totu mi 300 cu thi loten an suaktheh man.Khada kum(62) cu cutin Vanzam ihsin a luat hnu ni 6nak ah American $ ting 10 Awngbali a ngah riai.

Hi Dubhai khawsung ih Mawtaw puaisa tuantu Khada cu India a tlun hlante ih Dubhai Airport ih a leita mi Tiket kha a si.Cui a lei mi Awngbali No.845 cun $ ting 10 a ngah mi a si.Dubhai ih kum 37 sung hnatuantu Khada cun a hnatuan colhsan in India ah a tlung dingih nufa hnenih um men a tum ti si.Awngbali a ngah mi khal India ih farah nauta bomnak ih hman a tum thu khal a sim.