V-DAY AH PATHEIN RIAHBUK CEKNAK NEI

0
121

Irrawady ramthen Pathein khawpi ih Riahbuk(Hotel le Guest House)pawl ah kum kim lo fala riak an um maw ti ceknak an nei ih Pengpi department kim in an tel.Himi hi Valentine’s Day ni ih an cek mi a si.Pathein khawsung ih Riahbuk pawl in Licence an nei maw,Dan thawn famkim in an tuah maw tile valentine’s Day a si ruangah a riaktu fala/tlangval pawl cu kum kim an simaw si lo,Ziangti in Pathein khawpi ah an ra tipawl cu famkimte in an sut vivo.

Kum 16 hnuai hmuh a si ahcun thubuai tuahsak thei an si.Riahbuk pawl cu hmatpungtin neitu le kum kim lawng riah siansak ding khal in an cah vivo.kumkim cia fala/tlangval riaktlang cu zianghman ti theinak kan nei lo tiah Pathein Police hotu cun a sim.Pathein khawpi sungah Riahbuk 40 lenglo a um ih zinglam ah ralkhat lam pawl cektheh a si ih zanlam ah khawpi lam veng ceksal a si ding theih a si.

Tuvek ih an ceknak cu thil duh um lo a thlen lo nak ding hrangah a si ih Riahbuk pawl khal in dan le dun vek rori ih hna an tuancio nak dingah tuvek ih Department kimte ih kan vahkhawmnak a si tiah Police lam cun an sim.