US VP MIKE PENCE ASIA TLAWNG DING

0
119

American Vice President Mike Pence cu Ni suahnak saklam Asia ram pawl ih a khual tlawnnak cu tuizarh sungah a thok ding ti si.Tuitum a khualtlawnnak ah Olympics lehnak cu ralthuam vekah hmangih Leitlun lenglam ihsin luhsal tumtu N.Korea ih tumtahnak khamdan ding hrang deuh a si tiah theih a si.American VP Mike Pence cuntui 2018 kum sungah ram 10 lenglo ih tlawn a tum thu khal theih a si.

N.Korea cun a thil tuah mi thup dingin Olympic lehnak cu a hmang ih Leitlun ramtin bum a tumnak cu American cun an duh lozet thu American VP Mike Pence cun Monday ni a khualtlawn pok hlante ah White House hotu pawl hnenah a sim.VP Mike Pence cu tuikar sungah S.Korea le Japan a tlawng ding.Monday ah American ih Alaska State ih Vanlam Ralkap neih mi Missiles khamnak pawl cu zohnak a nei dingih Cuihmun ihsin Japan lam a pan ding a si.

Japan ah PM Shinzo Abe thawn tlawngkai ni 3 ah an tong aw dingih Japan PM cun zanriah thawte thawn a mikhual ding a si.Tlawngkai ni 4 ah S.Korea lam ah a lan dingih S.Korea President Moon Jae-in thawn tong aw ding an si.American President Donald Trump cu kan dung tlawngkai ni 2 ah S.Korea President le Japan PM cu Telephone thawn a biak ih cui an biakawknak ah N.Korea thuhla cu uartak ih an rel mi a si tiah thuthang cun an tarlang.