US FBI IN RUSSIA MI 13 LE COMPANY 3 TAZACUAI

0
157

A liamcia American hrilawknak tibuainak an tuah ruangah Russia mi 13 le Company 3 cu FBI hotu Robert Mueller thubuai a tuahsak a si.FBI lam in tibuaitu ih an puh mi 13 cun 2016 American hrilawknak ih mipi sawmnak an neih laiah American ram ah feh in American mi vek in an tuah aw a si tiah zingzoitu pawl cun an sim.

Cui pawl cun Donald Trump nehnak co dingin le Hillary Clinton mualpho dingin theitawk suah in hna an tuan ti si.Anni cun 2014 lam ihsin hrilawknak ih thu neiban si dingah hnatuan an rak thokzo ti si.Russia pawl cun Online ah American mi si awter in Trump hrangah hna an tuan.Hi puhmi Company 3 sungin pakhat cun Russia ram St.Petersberg khawpi ih Internet lam hlaikhlaitu an si.

American Lairelnak pawl ih tuah mi Press Conference ah Deputy Attorney General Rod Rosenstein cun Russia ih tumtah mi cu Democracy parah mipi ih rinsan le zumnak cu siatbal theh hi a si tiah a sim.Russia Foreigns Affair Spokesperson Maria Zakharova cun America ih puhnak cu atthlak thil a si tiah a let.Hi puhnak thu ah Trump khalin a elve.Hmanseh Democrat hotu pawl cun hi thil hi a um rori tiah tan an la ve thung.

BBC