UPATTLAK SAIHKA MAWNGTU

0
124

Pegu ramthen Pyi khawpi tivakap lamzin ih um U San win timi pa cun saihka mawng ih ei hawltu a si.January ni 30 ni Lakkha suah ni ah Cozah Bank hmai ih sumpai suah ih an buai celcel laiah Cazin kaitu fala pakhat cu a paisa tom thawn Bank kiangih PCO ah Ph a bia rero.Culaifang ah an zung ih mawtaw pakhat cu amah hmuak dingin manhlap zet in a ra thleng.

Hiti zamrang tuk ih mawtaw par a kainak san cu an zung kha tlunlam upa ih a cek ding ruangah a si.An zung a va thleng ih a paisa a hon dap ciah in Bank kiang PCO ih a hngilh thu a theisuak.Mawtaw thawn a rang theibik in an tlansal nan sumpai an hmusal pei maw ticu a fiang lo nasa.Thinlung buai maktak thawn mawtaw thawn cun an tlan ciamco.Bank kiangah saihka thawn mi phurh ding bawhtu San Win cun a kiang ih Plastic tuam cu neitu an um lo ruangah ong in a zoh ih paisa lawnglawng a rak si.

Plastic parah Pantaung timi ngan a hmuh ruangah Pantaung Gate lam ah a tlanpi.Mawtaw Gate ah zohman an um lo ruangah Bank ahcun a ra kirsal.Bank hmaiah mi 3 cun San Win umdan cu thei in paisa anmai ta a si thu an sim.A pek lo cun amah tuahmawh tong ding dinhmun ah a um.U San Win cun nan paisa a si ahcun Police hnen in Bank ta la uh a ti ih Bank kiltu Police cu Bank Manager pe dingin a fial.Hi mi 3 khal nuam tilo cun an tlancih.Cuti an buaihnu reilote ah paisa suahtu cu Mawtaw thawn an ra thleng.

Fala Nu cun a hngilh mi paisa le Plastic bawm cu Bank Manager hnenah zum lopi in a hmu.Bank Manager ih theih mi a si ruangah Manager cun paisa cu fala nu hnenah a peksal.Fala nu cun U San Win hnenah lungawinak tin ting khat a pek.U San Win cun a duh lo lawlaw.fala nute cu a mitthli tla in zangfahte laksak dingin mipi hmaiah upatnak pe in ngaithiam a dil.Bank Manager le a hmutu pohpoh lungawi in an mitthli a tla.

PTT