UICO KEU RUANGAH MI 30 SIZUNG LUT

0
102

UiA si ding ih ruah mi Uico pakhat ih keu tuartu mi 30 cu tuah tuamhlawm rero an si tiah saggaing Ramthen Monywa Sizung ih Sibawi pakhat cun a sim.Himi hi february ni 7 zinglam ah Nandawan le Yatanabone vengah Uico pakhat cun mi a keu ciamco ti a si.

Hi Uico keunak ruangih Monywa Sizungpi thlengtu hi February ni 8 zinglam tiangah mi 30 an kim thu Monywa Sizungpi ih hotu Dr Ko Ko Lay cun a sim.Hi Uico keu tuartu pawl cu UiA nat khamnak si thawn a lakih dawhsak an si ih a tul mi thildang khal tuahsak an si hnuah nikhat an zoh hnuah Sizung ihsin tlunter hrih an si.

Hi Uico keu tuartu pawl cu kum 70 le kum 5 mi khal an tel thu theih a si.Tutiangah hi mi keutu Uico cu hmuh le theihfel a si lo ruangah Monywa ni suahnak lam veng ih fehtu pawl cun ralring zet ih sukso dingin Veng Lal pawl cun mipi hnenah ralrinnak an pe a si tiah thuthang ah hmuh a si.