UEFA In Barcelona An Cawh




Spain club tha Barcelona cu champions league zuamawknak ih an mipi an kil that lo ruangah UEFA in cawh ih €1,500 an kuan.Thubuai pahnih ruangah UEFA cun Barcelona an rak zohfel rero ih hremtlak ih an hmuh hnu ah sumpai an kuanter.

Thubuai pakhat sawn cu Champions league sungsuak puai ih Lyon an rak mikhual tumah a si.An mipi pawl mawi lo zetin an cangvai ih Bualrawn sungah meisei puak thei an ti puak ciamco.Culawng an duhtawk hrih lo,nasa zetin an au ciamco ih tongkam mawi lo zetzet an hmang.

Thubuai pakhat sawn khal Champions league puai thotho a si.Group puai hrang Tottenham an rak mikhual tumah Tottenham mipi pawl cu meisa alh thei thawn an rak thawi ciamco ih buainak an rak tuah.Curuangah UEFA cun daan vek in sumpai a kuanter.

Champions league zuamawknak ah UEFA an fimkhur zetih mipi cang mawi lo cu an hrem hluahlo men.Tui season sung khalah Man United ,PSG le Man City le Atletico Madrid pawl cu mipi kilhim thei lo tiin an rak cawh zo a si.