UCL Quarter Final Draw A ‘Leaked’Timi A Dik Asile UEFA An Mualpho Ding




Tui season hrang champions league quarter final draw cu tui zanlam March ni 15,Myanmar 5:30 pm ih neih ding a sinan,quarter final ih an do awk dan ding cu a langsuak zo tiin Twitter ah a larzet.

Champions league group ,sungsuak le quarter final an draw thu ah mi tamzet in UEFA an rak soisel theu ih ziangkim anmah in thupten an relfel cia theu an ti.Asinan,UEFA cun dikzetih me a dirh ringring thu le relfel cia zianghman a um dah lo thu in mipi a simfiang theu.

Tuitum khalah Champions league quarter final ih an ton awk dan ding cu Champions league Director in online parah a thlahsual tiin thu a thang ih a dik taktak asile nasa zetin UEFA an mualpho dingih an hrang thil tha lo zet si ding.

Twitter parih lar Champions league quarter final an do awk dan ding an timi cu Liverpool vs Ajax ,Juventus vs Porto ,Man United vs Tottenham le Barcelona vs Man City tipawl a si.

Hih thu a dik le dik lo cu tui zanlam Myanmar 5:30 pm hnu ah kan theifiang dingih a dik lo asile ,UEFA mualphoh tum theutu pawl an mualpho dingih a dik pang asile nasa zetin UEFA an mualpho ding a si.