Turin Khawpi Ih Nehnak Co Thei Umsun Ka Si – Mourinho




Tui season ih feh tluang zet Juvnetus thu ah Mourinho a tongsuak ih amah lawng Turin khawpi nehnak co thei umsun a si thu cu uar zet in a rel.

Juvneus hi tui season zuamawknak tinkim ah puai 38 an lek zo ih vei 3 lawng an sunglai.Coppa Italia khualkhua ah veikhat an rak sungih Champions league ah vei 2 an sung.Group puai ah Man United an neh lo ih sungsuak puai hmaisa sawn ah Atletico madrid an neh lo.

Mourinho cun Atletico madrid sop in champions league quarter final an luttu Juventus cu anmai innpi khalih sung thei ve an si thu rel in ralrinnak a pe ih amah cu Juventus innpi ih nehnak co theitu umsun tikhal in a porh aw phah.

Mourinho cun “Na team ah sit goal thiamzet na nei a si ahcun zianghman phan ding a um lo.Penalty kulhsung lole penalty kulh kiang hrawngih sit goal theizet C.Ronaldo a um cun caan cem hlan tiang ziangkim a thleng thei ringring tikha kan theih a tha.

“Italy ahcun hivek ih sit goal theizet player cu rundamtu an ti theu ih amah thawn cun ziangkim a thleng thei tinak a si.Culole hruaitu tha,mi kaihruai thiam tikhal in an ko.

“Asinan,thil pakhat ka lo sim dingih ka lungawi tuk lemlo.Ziangahtile ,Juventus innpi Turin ih nehnak thei coach cu keimah lawng ka silai a si,” a ti.