Tuizan Premier League Ah Everton vs Chelsea (Thlirnak )




Tui zarh sung cu FA cup quarter final pawl lek a sinan,FA cup ihsin tlafel zopawl cun Premier league an rak lek ve thung.Everton le Chelsea khal premier league round 31nak hrang tuizan ,March ni 17,Myanmar 11pm ah an do aw ve ding .

Everton hrang Jagielka cu dam lo umsun a si ih Zouma cu remnak an neih cia bangin a club Chelsea a do thei lo ding.Everton dungkham Zouma hi Chelsea player si in Everton ah loan thawn a lek.Loan thawn Everton ih a luh zawngah Chelsea a do thei lo ding timi remnak an rak tuah cia. Chelsea ah dam lo thar an um lo ih Drinkwater le Zappacosta lawng dam lo an si.

Tui season premier league ah veikhat an rak do aw zo ih Stamford Bridge ah goal um loin an rak duhtawk aw.Tui dinhmun ah Everton hi hmat 37 thawn table 12nak an si ih Chelsea cu hmat 57 thawn table 6nak an si.

Everton in an puai neta pahnih ah nehnak an rak hmu lo zo ih Newcastle sung le Liverpool duhtawk ti a si.Chelsea in premier league ih an puai netabik ah Wolves an duhtawkpi nan,Euope league ah an puak ciamco thung.Player an nei tha veve ih puai rorum zet le zohnuam zet kan hmu ding.

Tuizan thotho Myanmar 8:45 pm ah Fulham in Liverpool an rak mikhual ve dingin Liverpool hrang premier league hmaihruai sal theinak caantha zet a si.