Tuizan Ih An Thilton Teh A Bang aw Sal Pei Maw?




Kum 10 lenglo Bawhlung leitlun rak uk zotu C.Ronaldo le Messi hi 2018 World cup hnu ah thilton bang aw zetin an rak thlun aw rero zo ih tuizan ahteh an thilton a bang aw pei maw timi cu mipi hngahhlap zetmi pakhat a si.

Champions league quarter final hrangah C.Ronaldo team Juventus cun khualkhua ah Netherlands club Ajax an do dingih Messi team Barcelona khal in khuakhua premier leageue club Man United an do ve ding.Ani bang aw ,caan bang aw cekci a si ih 2018 World cup bangin an thilton a bang aw pei maw timi cu mipi theihcak zetmi a si.

2018 World cup thok hlanah C.Ronaldo le Messi cu final ih tong aw dingin mipi in an duh zet nan,zankhat thilthu ah sungsuak dinhmun ihsin an rak suak tlang.2018 ,June ni 30 zan ah Messi ih team Argentina cu France neh loin World cup an rak suahsan ih C.Ronaldo team Portugal khal in Uruguay neh loin World cup an rak suahsan ve.

World cup theh veten Ram hrang Bawhlung sitnak ihsin colh an la tlang veve ih a ni bang aw cekci ah Ram hrang Bawhlung sit dingin an kirsal lala zo.Ram hrang an kirsal ni ah nehnak an co lo veve ih an siatsuah aw veve.Tuah an damfel zo veve ih an club veve hrang Champions league quarter final lek thlang ding an si.

Tuizan ahteh result bang aw an hmusal pei maw an tlansan aw thlang ding timi cu kan thlirtlang ding a si.