Tuizan Champions League Ah Man City vs Tottenham ( Thlirnak )




Tuizan khalah Champions league quarter final zoh ding a um ih Man City vs Tottenham le Porto vs Liverpool ti a si.

Man City vs Tottenham puai in mipi thinlung a neh zetih semi hrang zo an kai ding ti a fel thei hrih lo.Tottenham in anmai Innpi ah 1-0 in Man City an rak neh zo ih tui tum an result thawn komkhawm ding a si.

Tui dinhmun ahcun mai Innpi ih lek ding Man City zum deuh an si sawn nan,Tottenham hrang beisei tumpi a um ve.

Inntek Man City in player tha dam lo le hremmi an nei lo ih Zinchenko ,Bravo le Delph pawl cu tel thei lo dingih zummi an si ih mikhual Tottenham hrang Kane ,Dier ,Auier le Jassen pawl cu tel thei lo dingih ret an si.

Hmaisa sawn an puai hnu ah puai 3 veve an lek zo ih nehnak an co thluh veve.Curuangah tulai an dinhmun cu a thazet veve ih tuitum khalah puai ropi zet a si ding ti a fiang.Himi an do awk theh in premier league ah an do aw sal dingih thla khat sungah vei 3 rori an do aw ding.

Kick off cun anmai tualrawn ah 2-0 in Man City in nehnak an co ding tiin relcianak a nei ih an relcia bang asile komkhawm ah 2-1 in City in Semi final an lut ding tinak a si.

Ziang a si khalle kick off cun dik zetin Barcelona le Man Unted puai a rak relcia zo nan,Juventus le Ajax puai cu a relcia sual.Tui tum ahteh a rel dik pei maw timi cu kan thlir dingih na zumdan rawn rel ve aw.