Tui Zarh Premier League Puai Thlirnak




Ram khat le ram khat pawl bawhlung an sit theh hnu ah club pawl zuamawknak a umsal dingih, tui zarh hrang premier league puai pawl thlirnak kan nei ding.

Zarhte zan,March ni 30 ,myanmar 7pm ah Fulam vs Man City an lek dingih Myanmar 9:30 pm ah Man United vs Watford an lek ve ding.Culo puai khal a um nan,team tenau pawl an si.

Fulham vs Man City puai hrang Man City an dam cak zet zo ih dam lo cu Bravo le Mendy lawng an si thlang,Laitlan pahnih De Bruyne le Fernandinho khal tha zetin rualpi lakah training an tuah rero zo ih lek thei dinhmun an si.Midang zohman dam lo an um lo ih Coach Pep Guardiola cun a duh dandan in minung a rem thei ding.

Man United vs Watford puai hrang Man United coach Solskjaer cun mi pathum an tel thei lo ding thu a rel ih Sanchez ,Valencia le Darmian pawl an si.Rashford ,Lukaku le Martial pawl khal ram hrang lek thei lo dingih cawl an si nan,Solskjaer cun Man United hrang an colh ding thu a rel lo ih an tel thei zum an si.

Zarhpi zanm,March ni 31 Myanmar 7:35pm ah Cardiff vs Chelsea an lek dingih Myanmar 10pm ah Liverpool vs Tottenham an lek ve ding.

Cardiff vs Chelsea hrang – Chelsea in dam lo thar lole dam lo besia ciamco an nei lo ih an player thapawl an sor thluh thei ding.Tui dinhmun Chelsea player dam lopawl cu Drinkwater ,Zappacosta le Ginkel pawl an si ih Cahil cu rualpi lakah training a tuah thei rero zo.

Liverpool vs Liverpool -Tuitum premier league puai lakih rorum rura bik ding a si.Liverpool hrang a thupi hleice cuangih champion an duh cun nehnak an co tengteng a tul.Cutilai in Tottenham khal top 4 hrang an zuam nasat a tul ve thlangih an hnuai ih umpawl cu hmat tampi thawn an thlau nawn lo.

Liverpool hrang dungkham Gomes le laitlan Chamberlain cu rualpi lakah training an tuah rero zo ih Lovren dinhmun a fel lo.Culo cu dam lo besia dang an nei lo.Tottenham lamah Dier le Winks an tel thei lo dingih midang cu dam lo besia ciamco zohman an nei lo.

Tui season premier league ah veikhat an rak do aw zo ih Liverpool in khualkhua ah 1-2 thawn nehnak an co.Liverpool in anmai innpi ah Tottenham an ngam zetih an puai neta vei 24 ah veikhat vial an sung.Tottenham in khualkhua ah Liverpool an ngam lo zetih an puai neta vei 12 ah veikhat vial nehnak an co.Asinan,thuanthu in ziangkim lai a rel lo ih zarhpi zan ih lek thatha in nehnak anco sawn ding a si.