Tui Season Champions League Ih Champion Zum Bikmi Lole Rating




Tui season champions league zuamawknak khal sungsuak pawl lek theh zo a si ih quarter final dinhmun thleng zo in a sosang vivo.Sungsuak dinhmun ah team tha zetzet Real Madrid ,PSG ,Atletico Madrid le Bayern munich pawl kan rak thlahliam zo ih team 8 lawng an taang thlang.

Premier league ihsin team 4 Man United ,Man City ,Liverpool le Tottenham pawl in quarter final an lut thei ih Laliga ihsin team khat Barcelona vial in quarter final an lut thei.Serie A ihsin Juventus ,Netherlands ihsin Ajax le Portugal ihsin Porto pawl cu tuitum champions league zuamawknak ih quarter final lut pawl an si.

Himi team 8 lak ihsin tui dinhmun ih champion zum bikmi lole ranking dinhmun tarlang a si ih Rating sang pawl cu quarter final khalah an harsa lo ding ti ih zum deuhmi le tui season champions league ih an sulhnu khal zoh tel a si.

1.Barcelona ( Rating 10/10 ) – Tui dinhmun ah Barcelona cu Rating sangbik ih ret an si ih Champions league tlunah Laliga le Copa del rey cawi thei khal an si.

2.Liverpool ( Rating 9/10 ) – Sungsuak dinhmun ih Bayern Munich dawisuaktu Liverpool in Barcelona an thlun ih Premier league khal an beisei lai.

3.Man United ( Rating 8/10 ) – Coach thar thawn lek thazet le khualkhua ih PSG neh theitu Man United khal Rating 3nak ah an um ve ih Solskjaer thawn thilmak an tuah thei zumtu an tamzet.

4.Man City ( Rating 7.5/10 ) – Pep Guardiola thawn Champions league ih champion tumzet Man City khal an lek thazet nan,tonteh an nei lo thawn tuhrih ahcun Rating 4nak ih retmi an si.

5.Juventus ( Rating 7/10 ) – C.Ronaldo thawn Champions league ih Champion tumzet Serie A lal Juventus khal sungsuak dinhmunah ah ropi zetin an come back nan,Rating 5nak an si hrih.

6.Ajax ( Rating 7/10 ) – Sungsuak dinhmun ih thilmak tuahtu le champion lai Real Madrid dawisuaktu Ajax hi tleirawl thawn thazet ih thuam mi team an si ih Rating 6nak ah an um.

7.Tottenham (6/10 ) – Premier league club Tottenham khal quarter final cu hahdah zetin an lut nan,champion zum ciamco mi an si hrih lo.

8.Porto ( Rating 4/10 ) – Portugal club Porto hi tui tum champions league quarter final lut lakih champion zum lo bikmi lole Rating niambiik cu an si.Asinan,mi tampi theih lomi cu Porto hi group dinhmun ihsin lek thazet an si ih sungpuai an rak nei lo.Sungsuak khalah Roma paltlang in quarter final an rak lutih 1987 le 2004 ah an rak champion zo.