Tui Dinhmun Champions League Ih Sit Goal Tam Top 3




Tui season champions league zuamawknak khal a sosang tuk zo ih quarter final dinhmun an thleng zo. Zuamawknak a sosang vivo bangin sit goal tam dinhmun khal a sosang vivo ih an thlauawknak a tam nawn lo.

Payer hrekhat cu zuamawknak ihsin tla fel zo an si ruangah an hrang sit goal vivo dingin beisei a um nawn lo ih tarlang cih an si lo.Tui dinhmun quarter final ih damlai pawl lak ihsin sit goal tam pawl tarlang a si.

1.Leo Messi, goal 8
Tui season khalah Barcelona Captain Leo Messi ih ke a tla thei hrih lo ih Champions league ah sit goal tambik a si hrih.Goal 8 a thun tlunah midang hrang tuahsakmi vei 3 a nei thei.Messi hi Champions league ih sit goal tambik a si tlunah Laliga sit goal tambik laksawng le European Golden shoe hrang hmaihruaitu a si cih ih goal 33 a nei zo.

2.Tadic & Marega , goal 6
Southampton ih rak lek rero zo Tadic hi Ajax hrangah a lek tha zetih tui season champions league ah goal 6 nei zo.Porto hmaitlan Marega hi Porto hrang sit goal tubik a si ih Liverpool thawn an buai khalah remcang tha tamzet hlahtu a si.

4.Hary Kane ,Dybala & C.Ronaldo ,goal 5
Tottenham hmaitlan Kane, Juventus hmaitlan pahnih Dybala le C.Ronaldo pawl in goal 5 ciar an nei zo ih an lakah C.Ronaldo cu sit goal vivo dingih beiseimi umsun a si.Kane a siatsuah aw ih Dybala in lehnak hmunhma a co nawn lo.Cutilai in sungsuak dinhmun ih sit goal thei zet C.Ronaldo cu Ajax le Juventus puai tum khalah Juventus hrang goal umsun sawh a goal.

Hiti a si ruangah tui season champions league khalah sit goal tambik sinak cu Messi le C.Ronaldo zuamawknak a si thotho ding a bang..Messi in goal 8 a nei zo ih C.Ronaldo in goal 5 a nei ve zo.An karlak thlauawknak cu goal 3 vial a si thlangih C.Ronaldo in Messi a lan thei pei maw?