TRUMP IN RALTHUAM SHOW A DUH

0
126

Nikum France ram Bastille Day(France phunpi Ni)ah France cun an ral hriamhrei neih mi hmuhnak an tuah mi hnakih ropi le maksawn in Washington khawpi khal ih tuahve a duh ruangah hivek tuah ding in timlamnak nei dingah Pentagon ih Ralkap thu neitu upa pawl hnenah President Trump cun Order a pe a si.

Humhimnak Sungtuan Jim Mattis cun hi Ral hriamhrei hmuhnak ding thuah tuah dingdan hrekkhat cu a kuthnuai upa pawl hnenah a simzo ih netabik thu tluknak tuah dingin Trump hnenah sim a silai ding thu tlawngkai ni 3 press Conference ah a sim.President in Ralkap parih duhdawtnak le zahnak cu a fengtuk thu suangtuan Mattis cun thuthang latu pawl hnenah a sim.

Himi ralkap hriamhrei hmuhnak ni hman ding ni si ding ih zum mi ni pawl ni 3 a um ih May ni 3 ih hman mi Memorial Day an timi Doawknak ih thitu pawl upat pek ni,July ni 4 hman mi Independence Day a silole November ni 11 ih hman mi Ralkap tlun ni pawl an si.President Trump cun nikum Paris khawpi ih a hmuh France National Day vekin American khal ih tuah a duh thu a sim theu ih khami hnakih ropi ih tuah a duh thu France President Emmanuel Macron hnenah a sim a si.