TLAWNGTA 16 TOMI LONG PIL

0
104

Taninthayi Ramthen Kawhtaung peng Wakyun khua ihsin Pulawbalai khua ih tlawngkai dingih feh tlawngta phurtu Long pakhat cu february ni 7 zinglam ah ti sungah a pil ti a si.Nauhak pawl cu Long mawngtu pawl cun pakhat hman thi loten anzaten an runsuak theh man tiah Khawlal cun a sim.

“Long hi Wakyun khua ihsin hlatuk loih pil mi a si.A pil mi Long kiangnai ih Longpi pakhat an mawng ih tisuar tho ruangih pil mi a si.Wakyun khua ihsin Palawbalai khua ih nitin Long thawn tlawng kaitu hi mi 16 an um.Nauhak pawl hrangah thin hnangamte ih ca an zir theinak dingah tidai lakih humhimnak Angki le fur can hrang muka angki an tul mi cu Fimthiamnak lam in in peksak thei sehla kan duhzet a si”tiah Lalpa cun a sim.

Tlawngta ih pa pakhat khal cun,”Khua ah tlawng private tetal in pe sehla duh um rori.Tui Mipi Cozah tal in cumi cu in tuahsak thei sehla ka duhtuk rori”tiah a simve.Hi a pil mi Long ih totu tlawngta pawl hrangah kawhtaung NLD lam cun cabu le cafung pe in hnemnak an tuah tiah theih a si.