TLAWNG THLAHNAK MAWTAW TLANGLENG

0
126

Australia ram saklam Newman khawpi ihsin KM(700) hlatnak ih um Punmu miphun pawl umnak khua pakhat ih pa pakhat cun Barel pung cu a hrekah phel in ke a bun ih leilehnak Mawtaw thawn tlangleng bangin a hnuk ih tlawngta pawl tlawngthlah le hmuahnak ah a hmang.Hi a hmuah le thlah mi tlawngta cu mi 40 an um ih Nursery ihsin kum 12 karlak an si.Hiti nauhak pawl hmuah le thlahtu cu a hmin John Reudavey a si.

John cun a man awllai ah Perth khawpi ah a feh ih hivek ruahnak a ruahsuah mi a si.John cun,”Perth ka thleng ih cutin Barel pawl phelih ke bun ih hnuh ding ruahnak ka ngah.Nauhak pakhat toman ah AU$2 an cem.Hivek ka tuah ruangah nauhak tlawngkai ding ke ih feh an tul nawn lo”tiah a sim.”Kan umnak ahcun hivek in thatnak tampi in pe.Zingtin nauhak pawl cun an inn hmai ihsin ka tlangleng to dingin in hngak”tiah a sim.Nauhak to man lak hi a tum mi a si lo nan mipi lam in malte te an peksawn kha a si.


SM