TLANGVAL HUATSUAK AN KAI

0
100

Htohkyan zinsawm ah driver pakhat cu mi bur pakhat in an vel ciamco ih cui a veltu pawl cu kaih an sizo thu theih a si.Driver U Soe Than Myint cu mani sundir 12:30 hrawngah Htohkyan ih Ralkap thlanmual a thlen ah Mawtaw cu pit in a cawlve ih hmailam Mawtaw feh an cawlhsal ruangah a mawtaw Break phit in a cawl.Cuti hmailam mawtaw ruangih ding dutdo ih a um cu a sir fehtu Bike mawngtu cun ngaih loin a kawk ciamco.

Cutin an fehsal hnu Htohkyan zinsawm an thlen zawngah Bike 3 cun a mawtaw hmaiin an phit ih mi 5 cun an velh ciamco.Hiti mi 5 ih an velhnak in U Soe Myint Than cu a taksa thling le durh tamtak thawn Yangon khawpi Sizung ah an tuamhlawm rero ti a si.Cutin Police lam khal cun a rang theibik in a veltu pawl cu an zinzoi hnuah nazi 3 sungah an zaten an kaisal tiah theih a si.

Hi mi veltu pawl to mi Bike pawl hi licence nei lo lawnglawng an si ruangah an bike zate cun Police in an lonsak hnuah Licence nei lo Bike mawn thubuai le mi vel thubuai cu orhter in tuah Police kut ah an um a si.