TIH A NUNGZET MI A I THIAMNAK

0
172

Leitlun fimnak le thiamnak a thangso vivo ih mi tampi in hlawknak tampi kan rak hmuhphah.Hmansehla tampi lala cu siatnak khal kan hmu rero cu a si hi.Tuah FB cu leitlun ih Social Media lakah hmangtu tambik dinhmun an thleng a si.FB ihsin nitin thil tha lo kan hmuh mi cu Mah le mah that awknak,Sexy tuk ih umnak le hmuhsuam aknak tivek pawl LIVE thlah mi kan hmuh hi a si.

Tu sinsin ahcun AI thiamnak(Artificial intelligence) hmangin FB parih lang mi hmeltha deuh pawl hmel cu la in porn Video an tuah mi cu kan dung zarh hrawng ihsin an thlah lala.A hmutu le a zohtu pawl cun a lem a sizia zohman in an thei thei lo ti a si.Hringhran ih sex hmang vek rori in theihthiam ding pakhat hman um loin an tuahthiam zo ti a si.Fake App an timi an hmang ih Gal gadot,Maisie Williams le Taylor Swift pawl ih hmel hmangin Porn film cu an tuahsuak ti si.

Hi Video ahcun leitlun President pawl ih copo hnihsuak khal AI thiamnak thotho cun an tuah ih a lar nasa zo ti a si.Hi Fake Video tambiknak cu Deepfakes timi website ah si in Leitlun mi hminthang pawl cu tuah thinbang in an um ti si.Ziangah an thinphan ticun Video tuahtu pawl cun Zohman dimnak fate khal nei loin mipi duhnak ding lawng ruat ih an tuah ruangah a si.Tutiang ahcun zohman hi buainak tawlrel theitu an um lo.Hivek Video cu a karh catzet ih a luar vivo phan a um nasa.