THLA 17 FANUTE SUALPITU KUT TANSAK

0
161

India ram ih pa pakhat cun a fanute thla 17 lawng a si mi sualpitu tlangval kum 17 mi cu a thinna tuar loin a kut a sahtan sak tiah theih a si.Hivek ih a sahtan saknak khal thildang ruangah a si lo.A fanute thla 17 mi sualpitu pa hi Police in an kai ih Court in hremnak an pek lo cu tuar thei loin amah sawn cun hremnak a pek mi a si.

Himi hi 2014 kum ih thil cang mi si in kum 25 mi naute pa cun a fanute a sualpi lai hmuh mi rori le a fanute khal Sizung lam ih tuamhlawm ih nungdam cop mi rori Court in a sualpitu an thlah zalen cu a tuar thei lo rori ih tuvek ih a tuahnak a si.Hi Punjab ih District Court cun a sualpitu le naute tei sung cu remawknak tuahsak in sumpai kuan dingih an relsak mi cu Naute pa cun a pom in a pom thei lo ti si.

Court sungah cun rualremnak an tuah nan nautepa cu lungawi thei loin a sualpitu tlangval tei inn ah a feh ih tlangval pa cu a hnom neknek hnuah a kut 2 in a tansak.Police simdan ahcun tlangval pa cu Sizung ah admit a si ih fanute ruangih thinna tu pa khal police cun kai in thawnginn ah an ret tiah theih a si.