THAWPHAT KUH UAMDAN(Tha lawlaw)

0
129

Thawphat hi harhdamnak hrang ih a thatuk mi thingrah a si.Ziangtivek ih na ei a si khalle a eidan lam ah si loin a thatheh ti a si.Hmansehla thingrah dang cu a kuh ih ei theih tampi an umlai ah Thawphat cu a kuh ih ei a theih lo hi buainak phunkhat a si.Bazar ta na lei mi thawphat kha ei dingin na von phel ih a rak hmin lo pang cun sumpai sungral in na hlon theu si kha.Tuihnu ahcun sunral um lo dingin rak tuah thlang aw.

Thawphat bazar ta na lei mi cu a duh le rak hmin lo khal sehla buai hrimhrim hlah.A uam hmindan cu hitin a si.Caku bawm(A var lo ding) pakhat sungah Apple pumkhat ret awla cumi lakah na Thawphat pawl cu ret aw.Cule thli suak thei lo dingin phitpit aw.Cutin zankhat sung ret awla a thaizing ah zoh aw.Na duhdan vekciah te ih hmin ah a rak cang ding.Thli a suak theipang ahcun nangmai mawh a si ding.A tikcu ah hngilh loten rak tuah aw.

Cuvek thotho in Kawlhang(Tomato) kuh khal uamhmin a theihve thotho.Hmansehla Kawlhang(Tomato) cu Apple thawn uamhmin a theihve lo thung.Kawlhang kuh uamhmin ding cun Caku bawm a tulve thotho ih Apple aiah banhla thawn ret a si.Tulsamnak neitu hrang tangkaipi cio hramuh law.