TAMU NANPHALUNG BAZAR KANG

0
221

Saggaing Ramthen tamu pengpi ih Kawlram-India No.2 gate kiangih Nanphalung Bazar cu february ni 7 zan nazi 10 hrawngah a kang ciamco tiah theih a si.Hi meikang cu Tamu Meithat mawtaw pawl le India lam ih meithat mawtaw pawl,Kalaymyo ih meithat mawtaw pawl cun theitawp suahkham in an mit rero nan Zanlai nazi 12 tiangah meisa cahnak cu an cemter thei hrih cuang lo ti a si.

“Kanni kan theih cu zan nazi 10 hrawngah a si.Puak awnthawm kan thei.Tu nazi 12 a kim cuarco nan zianghman a danglam thei hrih lo.India lam ihsin meithat mawtaw khal ra in an ra bawm.Kalaymyo lam ih Meithat mawtaw pawl khal bomnak an dil”tiah khawsung mi pakhat cun a sim.Tutiang ahcun ziangruang ih kang a si ti theih a si hrih lo ih thu neitu pawl cun meikang a suahnak san cu an zingzoi rero lai tiah thuthang hmaisa lam cun an tarlang.