TAIWAN LINGHNIN AH HOTEL TLUZIK

0
117

Taiwan ram ah a cahlam 6.4 Ling a hnin ruangah a Hotel pakhat cu a cim ih cui Hotel sungih tangtu milai runsuahnak hna an tuan rero.Hi Ling hninnak Taiwan ni suahnak khawpi Hualian ah tutiang nemhnget thei cin ah mi 2 an thi ih mi 2000 lenglo hriamhma an ngah.

A siat mi Hotel sung ihsin milai 28 cu hmunhimnak lam ah laksuah an sinan mi tawkfang nawn Hotel sungah an umlai tiah thuthang cun an tarlang.Hi Hotel cu tlu ding in a a peng riairiai zo ti a si.Hi Linghnin cakzet a hnin hnuah linghnin tenau dang a hninsal ti a si.

Hualian khawpi ih Hotel siar lo Inn pahnih khal a siat ti a si.Hotel tluzik sungih milai runsuak dingah Meithat pawl bawm dingin ralkap khal an thlengve ih Ralkap dang khal ralring in an timlam cia ti a si.