SYRIA BUAINAK AH ISREAL TELZO

0
327

Syria ram sungih um mi Iran Cozah ih bom mi Ralkap pawl ih hriamhrei retnak hmun le Cetzung pawl cu Isreal Vanzam cun Bomb thawn an thuat ciamco.Isreal Jet Fighter cun Bomb a thlak theh in an ram ih a kirsalnak ah Rocket thawn kahngah a sinan Jet Vanzam cu Isreal ram sungah a tla.Isreal lam cun Iran ih mawngtu nei lo Vanzam fate cu Isreal ram sungah lut in kan vanzam hi a kahtlak a si tiah an sim.Hivek ih kan ramsung tiangtiang an Vanzam an luhter ruangah kanni khal in phuba samnak ah tin Iran ih Bom mi pawl hmunhma cu kan kahvenak a si tiah an phuang.

Isreal cun Iran ih bom mi Syria ralkap pawl ih hmunhma le ral hriamhrei retnak cu Vanzam8 thawn an va kap ciamco ih an tlunlam ah tuvek ih kahtlak an tonnak a si.Syria lam cun pahnih kahtlak a si tiah an phuang nan Isreal lam cun pakhat lawng in an sim.Hiti kahtlak saknak an ton veten Isreal cun Iran bom mi Sakhan 4 le Syria vanlam ralkap hmunpi 8 cu an va nuaisal ciamco.

Isreal PM Benjamin Netanyahu cun tuhlan ihsin Iran in Syria ram sungih Ralkap sakhan an va tuah ciamco cu tih a nungtuk tiah a rak simdah zo.Iran cun Syria ram ih hmunhma hmangin Isreal Van boruak ah Vanzam tiang an luhter dan zoh ah Isreal mipi nuai cimih a tum tiih ka rak sim mi cu a dik rori a si tiah a sim.

Iran cun an Drone Isreal ram sungah a lut timi cu an elve thung.Iran cun theitawp suah in Syria ram buainak ah bomnak a pek mi a si.Syria ram cu hriamhrei thatha a pek tlunah Syria ralkap bawmtu Hebolla pawl khal hriamhrei le sumpai nasatak in a bawm.Hebolla le Iran cu Isreal ih ral tumbik an si.Cun Iran cun Syria ram sungah Ralkap hmunhma thazet a tuah a si tiah Isreal cun an puh.

Syria ih thuthang phuangtu Allah Ibrahim cun Syria cun hril ding dang zianghman a neih lo ruangah Isreal Vanzam cu tuvek ih a kahtlaknak a si tiah a phuang.Leitlun pi cun Syria buainak ih Isreal tuvek ih a telve ruangah buainak a luar sinsin ding an phangzet.Russia President Putin cun Syria ah buainak a sosan ih an tonawk pang lonak dingah Isreal PM Netanyahu cun Phone in a bia.Isreal PM netanyahu cun Iran in Syria ih ralkap hmunhma an neih cu a duhve lo thu a simve.American cun Isreal ih thlaphannak le thinharnak cu ka lo theihpi in ka lo theithiam tiah a simve.