SUNGSUAK FA VELTHATTU NU




Thailand ram ih rit theinak si suaitu nunau pakhat cun si a thamnak ruangah a thinlung kim loin a mai hrin mi a fapate kum 2 mi cu a thah ruangah Police in an kaih thu Thai PBS thuthang cun February ni 14 ah an tarlang a si.Himi hi Kabinburi District Parachuet khirikhan hmun ih thil thleng si in rit theinak hman ruangah thinlung kim loin a fapate cu thi ko a velh ciamco mi a si.

Hi kum 19 mi fapate ih nu cun ban ti nei lo ih tap rero a fapate kum(2) mi cu a lu ih a vuak thu Police hnenah a phuang aw a si.Cuti a Lu a vuak hnuah a fapate cu inn ah a ngaihzawng pa thawn a tanta ih hna a tuansan tiah a simbet.Nazi tawkfang a rei hnuah inn ih a tan mi a ngaihzawng cun a fapate a thih thu phone in a ron sim ti si.

A nu cun a fapate cu thaw har in a thi tiah a sim nan a ruak Sizung lam ih an ceksak tikah a Lu nasatuk ih hriamhma a ngahnak in a thluak ah thi a lut ih thi a si ti hmuhsuak a si.Hi fa thattu le a ngaihzawng cu an suhhliah an zun an ceksak tikah an zun ah rit theinak an hmannak cu hmuh a si ih tuah an pahnih in kaih an si zo.
DVB