Sumpai Heulak Men Tiin Juvnetus Mipi In C.Ronaldo An Mawhthluk




Tui season champions league zuamawknak ihsin Juventus an tlak cu mipi an tuarna zetih tuarna um men loin an player mankhung C.Ronaldo an mawhthluk cece.

Juventus cun Champions league beisei in C.Ronaldo cu €100m thawn Real Madrid ihsin an rak lei.C.Ronaldo khal Juventus hrang a lek thazet ih Champions league lakpi a tumzet.Asinan,quarter final ah Ajax an neh lo ih Champions league an suahsan fel zo.

Champions league ihsin Juventus an suah lohli cu mipi an thinheng tuk ih hitin an phunciar cece.

“Club thuneitu pawl khal mawhtluk tlak rori an si,C.Ronaldo ruangah sumpai €341m lai an cem.Sungsuak lal a si theu nan,tui tum ahcun ti thei a nei lo.Juventus ih tulmi cu laitlan thazet a sisawn.Pjanic hi laitlan thazet a sinan,a ropi lo tuk ih laitlan ah mi kan neh lo rori a si.

“C.Ronaldo ih ratnak Juventus hi kum 6 peh ih serie A champion team an si.Tu ahcun tuan zetin Coppa Italia an suahsan zo ih Champions league khalah kum 9 sungih dinhmun sebik thawn an suahsan fel zo.Culawng siloin Kum 37 ti zo Quagliarella khal Golden Shoe hrang a zuam thei nawn lo cu a si.

“Juventus hrang C.Ronaldo ih season hmaisabik cu a hlawhsam lellel a si.Champions league cawi dingin an lei ih Serie A vial beisei an nei thlang.Serie A tivek cu C.Ronaldo tel lo khal ih an rak cawi rero zomi a si.

“Champions league cawi dingin Juventus ah ka ra a ti nan,kum dang aiih tuansawn in a suahpi men.

“C.Ronaldo tel lo cun Real Madrid cu zianghman lo an si an ti asile ,Real Madrid tel loin C.Ronaldo khal zianghman a si ve lo.

“Ajax in Champions league ihsin Real Madrid an rak dawisuak tikah C.Ronaldo rel kungko a sinan C.Ronaldo le Juventus khal Ajax in Champions league ihsin an dawisuak lawlaw ,” tipawl in an phunciar cece a si.