Sir Alex Ferguson In Premier league Ih Champion Ding Team A Rel Ve




Man United coach hlun Sir Alex Ferguson cun tui season premier league zuamawknak ih champion ding team a rel ve ih Liverpool le Man City ah a zum sawnmi a rel.

Tui season premier league zuamawknak ah Liverool le Man City cu champion dingih zuam aw bik an si ih an hmat thlau awk dan khal a tam lo.Tui dinhmun ah Liverpool in puai 34 lek zo in hmat 85 an nei ih Man City in puai 33 lek zo in hmat 83 an nei ve.An puai tanglaimi zaten nehnak an co thluh veve asile Man Ciy an champion ding.Asinan,an puai tanglaimi pawl zoh tikah Liverpool aiin Man City puai a harsa sawn ih Tottenham le Man United do ding an nei lai.Cutilai in Liverpool in big team do ding an nei nawn lo.

Hivek a si ruangah relthiam a harzet ih champion ding zumhmang khal rel a ol lo.

Sir Alex Ferguson cun ,” Man United vs Man City puai ah Man City in hmat an hloh rori dingih tui season premier league zuamawknak ah Liverpool an champion phah ding a si,” a ti.