Sir Alex Ferguson Ih Nganmi Messi Khamdan




Man United Coach hlun Ferguson cun vei 2 rori Champions league final ih Barcelona a neh lo hnu ah Messi khamdan ding a ruahsuahmi cu amai thuanthu bu ah a ngankhum ih mi pahnih kilter ding a si.Cumi Ferguson ih ngansuahmi cu tui season champions league quarter final zuamawknak ih Man United le Barcelona an ton awk ruangah phorhsuak sal a si.

Ferguson in Man United a kaihhruail lai 2009 le 2011 Champions league final ah Man United le Barcelona an rak tong aw ih Barcelona in nehnak an rak co veve.Cutikah Ferguson cun Messi khamdan ding a polsuah phah.

Ferguson ih nganmi cu “Messi kham ding cun alai dungkham thatuk pahnih rori a tul ih ziangtiklai khal ih cangvai thei ringring an si a tul.Cuti ka ti tikah a sir ka ngai pawimawh lo ka tinak a si lo ih a sir aiin alai ah Messi a tihnung umsawn.

“Wembley ih Barcelona kan neh lo hnu in Messi khamdan ding rori ka ruat ih ka san sungah Barcelona ka tongsal asile Jones le Smalling lole smalling le Evans tiin Messi kilter ka tum ih duaisal ka tum lo lawlaw a si,” a ti.