SINGAPORE VANZAM SIAT IH MANDALAY AH TUM

0
205

Singapore Airlines-SIA ih Vanzam pakhat cu a Engine lam buainak ruangah kawlram Mandalay khawpi ah a tum a si tiah February ni 7 ah thuhla theih a si.

Hi Vanzam hi bangladesh ram khawpi Dhaka ihsin zuangsuaktu khualtlawnnak No.SQ449 Vanzam cu a Engine pakhat a that lo ruangah Mandalay khawpi ah zanlam nazi 3 hrawng ih a tum thu theih a si.SQ499 vanzam parah passenger mi 190 an to thu Singapore ih CNA thuthang cun an tarlang.Airbus 330 Vanzam Engine siatnak thuah tuahthat ding cun can tawkfang a tul ding thu le a aiawh ih zuangtu dingah Vanzam dang pakhat Mandalay lam pan ih an thlah thu khal theih a si.

 

Hi Vanzam dang aiawhtu ding cu Mandalay khawpi ihsin February ni 8 ni sundir nazi 12:10 ah Mandalay khawpi ihsin zuangsuak sal ding a si.SQ499 Vanzam cu Singapore ah February ni 8 zinglam nazi 4:40 thleng ding a si.Hi vanzam cu a thlen ding can bikhiah hnakin nazi 10 a tlai phah ding ti a si.