SINGAPORE IN COMPUTER HNAWMBAWM TUAH

0
134

JCT ih tuah mi smart Hnawmbawm cu hniksaknak an tuah hnuah an hlawhtling ih Singapore khawsungah 40 hman a sizo.Hi Hnawmbawm cun hnawmhne bentu pakhat bun a si ih hnawmbawm dang hnakin let 5 rori ih a tlemtam thu theih a si.Sin thazet a nei ih rimsia a um lo.Vuailet hri hman a si lo ruangah a hnoksak lo zet fawn.A sungah hnawm a khat a sile hnawmsartu hnen ah Email lole Message a kuat ih theihternak a pe.Amah cu Solar tha hmang a si ruangah a tha full ih thun cun hnemdai khal ah thla 3 hman theih a si.

Hi Hnawmbawm cu Guron tikulh,Changi Parhmuan le hmun pi deuhdeuh ah ret a si.Hnawmhlon tupawl cun an zungkhan ihsin a khat le khat lo an kil thei.Test nak ah JTC hnawmbawm cu 2016 ah an rak hmang ih a thatzia le tikcu a heu lozia an rak hmusuak.Digital thiamnak hmangin a hmannak hmun khal karhzaiter vivo ding an tum.A kilnak hmun khal tamter vivo ih tamsin hman thei ding khal tum a si.Hi Hnawmbawm pakhat ih man cu S$3000 hrawng a si ih Internet pawl hrangah a dangten sumpai cembet a si ding.

Khawsung thianfaitu pawl cun Hnawmbawm dang hnakih tumdeuh Smart hnawmbawm cu a sunglam thianfai dingin can malte pek tamdeuh a tul an ti.Hnawmbawm sunglam thianfai dingin hnatuantu pawl zirh rero lai a sinan a sungah cet thilri a tamdeuh ruangah malte harsatnak an nei.Hnatuantu pawl cun Khawsung ih hnawmbawm cu zarhkhat ah vei 21 an rak zoh theu nan tuah cun zarhkhat vei 3 lawng zoh a tul ding ti a si.