SINGAPORE AH VANZAM CANGSUAL

0
116

Singapore ram ih Changi Airport ih an tuah mi Singapore Airshow ih teltu S.Korea raldonak Vanzam pakhat cu cangsual in a kang ti a si.Hi Airshow ih teltu S.Korea Black Eagles Vanzam show ih teltu cu terminal 1nak zinpi sir hram parah February ni 6 zanlam nazi 1:24 ah a kang ciamco tiah Civil Aviation Of singapore (CAAS) cun an sim.

Hi Vanzam cun zuan mawi zuam aw dingin bualrawn ihsin a kai zawngah tuvek ih a cangsualnak a si tiah CAAS cun thu an than.Vanzam mawngtu cu malte hriamhma a ngah ih tuamhlawm rero a si.”Vanzam cu a her aw ciamco ih vanzam zinpi sirah a let.Cule meisa a alh cih.Vanzam dunglam deuh kha a alhnak a si”tiah mit ih hmutu cun a sim.Hiti simtu pa cu Australia lam feh dingih Vanzam hngaktu a si.

Hiti Vanzam a alh mi cu Changi Airport meithat pawl in an mit.Hi Changi vanzam tlannak lamzi 1nak cu phih hrih a si ding.Tuvek ih Vanzam cangsualnak ruangah Changi Airport ih tum ding le poksuak ding Vanzam khal malte cu a tibuai ti a si.S.Korea lam cun ziangruangah an vanzam cuti men in a cangsual timi cu tuah an zingzoi rero tiah thuthang cun an tarlang.